Ikusmenaren zerbitzu integrala
Zure ikusmena da gure lehentasuna. Horretarako optika eta optometriaren arlo ezberdinak jorratzen ditugu ikusmena eta begia bere horretan baloratuz.
Optika betaurrekoen eta lenteen diseinuan oinarritzen den arloa da. Optometria, aldiz, ikusmenaren balorazioaz arduratzen da. Hortaz, alor biak uztartuta, beharrezko baliabidek aplikatuz zerbitzuen eskaintza zabala osatzen dugu.
Ikusmen azterketa
Ikusmenaren egoera neurtu eta tratamendu egokiena emateaz arduratuko da optometrista, horretarako beharrezko ikusmen probak eginez. Hala nola, miopia, hipermetropia, astigmatismoa eta presbiziaren kasuan.
Ikusmen terapia
Ikusmen gaitasunak hobetzeko egiten den tratamendu optometriko pertsonalizatua da. Ariketa zehatzen bidez sistema bisuala entrenatzen da, modu eraginkor, koordinatu eta erosoan funtzionatzeko helburuarekin. Hauek dira lantzen diren alorrak: begi alferra eta estrabismoa, ikusmen binokularra, ikaskuntzarako errendimendu bisuala, kirol ikusmena eta garun lesioek eragindako ikusmen arazoak.
Haur eta adinekoentzako arreta
Haurren ikusmen garapenaren egoera aztertu eta arazoei konponbide egokiak bilatzeaz arduratzen gara. Horrez gain, adinekoentzako irtenbide eroso eta irisgarriak eskaintzen ditugu.
Prebentzioa eta orientazioa
Begien osasuna zaintzeko aholkuak ematen ditugu, pantailen erabilerari, argiaren eraginari edo higieneari buruz, esaterako. Beharrezkoa den kasuetan, ostera, oftalmologoarengana bideratzeko laguntza eskaintzen diogu bezeroari.
Eguzkitako betaurrekoak eta moda optikoa
Estetikaren eta funtzionaltasunaren arteko oreka bilatzen dugu. Horretarako aukera zabala eskaintzen diogu bezeroari, hala nola, estilo ezberdinetako markak Oakley, Carolina Herrera eta Etnia, tartean.
Lenteen eta betaurrekoen egokitzapena
Estilo eta behar optikoen arabera aholku pertsonalizatua eskaintzen dugu. Beharrezko kasuetan betaurrekoak eta kontaktu bidezko lenteak neurtu eta egokitzen ditugu, konponketa eta garbiketak eginez.